HM veisla

Jáh, nú er lítið annað gert en að horfa á HM.. Er einmitt núna að horfa á æsispennandi leik Hollendinga og Serbíu Montenegro (eða e-ð :S).

Reyndar tókst mér nú að slíta mig frá sjónvarpinu í gær til að fara í útskriftarveislu hjá honum Garðari frænda, en hann var að útskrifast sem viðskiptafræðingur. Það var voða fínt, hitti fullt af skyldfólki og svoleiðis.

Reyndar tók ég mig til í gær og keypti fullt af tónfræðibókum. Þarf að vera með 5 stig í tónfræði til að geta farið í tónmenntakennarann svo að ég er núna bara að byrja að æfa mig. Fyrst það var svona ótrúlega langt síðan ég fór síðast í tónfræði (í 6. bekk grunnskóla eða e-ð) þá ákvað ég bara að byrja á byrjuninni, fyrsta hluta takk fyrir þar sem maður byrjar að skrifa nótur. Alveg eins og þegar maður var að æfa sig að skrifa a a a a a a a... En þetta er mjög gaman og ég hef gott af þessu. Svo eru líka bara 9 dagar þangað til ég á að vera búin að fá svar um hvort ég kemst inn eða ekki.

Á föstudaginn í vinnunni var starfsdagur. Mjög afslappaður dagur e-ð. Eftir hádegi vorum við að gera brúður. Deildin mín gerði brúður upp úr tveim lögum.. Það var bara alveg rosa gaman, ég gerði lítið tröll (í laginu, hátt upp á fjalli þar búa 3 tröll, tröllapabbi...), ætla að taka myndavélina með í leikskólann á morgun og taka mynd af tröllunum.. þau voru svo sæt :D Svo klukkan 5 var borðaður kvöldmatur saman. Alveg roosalega gott glillað lamb og grillaðar kjúklingabringur. Hreint looostæti.

En núna í dag er stefnan bara tekin á bókabúðina að kaupa möppur fyrir tónfræðina mína, maður verður nú að hafa þetta almennilegt. Verð að fara að fylgjast betur með leiknm, ætli hann endi ekki bara á 1-0 fyrir Hollandi!

kv ásta bj